Bilo cviće od mendula

11.03.2010

Bura se je razmohala

A zubato sunce sjalo

Po onemu zodnjen vartlu

Di je cvalo i vonjalo

Bilo cviće od mendula

Skrivajuć se od starijih

Onode smo se nahodili

I parvu smo jubov našu

Meju cvićen provodili

I parvu smo jubov našu

Meu cvićen provodili

Kad su cvali o’menduli

Još smo bili čudo mlodi

Rič smo svoju zadovali

Da uvik ćemo sve do smarti

Tot dohodit i prihodit

Bilo cviće o’mendula

Godišća su pasovala

Na dvi bonde nas odnila

Naša žeja, vruća žeja

Ni se nikad ponovila

Naša žeja, vruća žeja

Ni se nikad ponovila

Meju cvićen o’mendula

Ma jo uvik kad son doma

I kad bilo u godišću

Gren onamo di son proša

Lipu mladost, jubov, radost

Usrid cvićo od mendula

Napisala: Lucija Rudan